Aufèrtes tematiques

Ua seleccion d'aufèrtes de clubs de producte, que se comprometen a aufrir un servici especializat de qualitat, adaptat as besonhs deth consumidor internacionau prioritari e dehòra dera sason tradicionau d'esquí.

•CAMIN REIAU
Trauèssa pes primitius sendèrs qu'es romans ja utilizauen entà viatjar entre es pòbles dera Val d’Aran. 150 km a recórrer en desparières estapes.

Mès informacion: www.caminreiau.cat

•TREKKING CARROS DE FOC
Rota circulara qu'era grandiositat deth Parc Nacionau d'Aigüestòrtes e Estany de Sant Maurici obligue a realizar en diuèrses estapes. Lotjament enes refugis de montanha deth Parc Nacionau.

Mès informacion: www.carrosdefoc.com

•PASS'ARAN
Trauèssa transtermierèra (Couserans - Val d’Aran) de nauta montanha que discor peth GR-10 e eth GR-211 en cinc estapes. Lotjament en refugis e gîtes.

Mès informacion: www.passaran.com

•4CIMS, 4LENGÜES
Permet accedir tàs quate cims mès emblematics e a fantastics guardaders deth païsatge ath sòn entorn. Cadun des quate territòris aufrís ua lengua, cultura e istòria pròpria.

Mès informacion: www.camins.net

•SETAU SAGÈTH
Cinc estapes pera istòria dera Val d’Aran a trauès des sòns pòbles, ribères e colhades en tot seguir eth GR211. Lotjament en otèls refugis e aubèrges dera zòna.

Mès informacion: www.setausageth.com

•ENCANTATS
Rota a pè, que prepause recórrer eth Parc Nacionau a trauès dera Val d’Aran, eth Palhars Sobirà e era Nauta Ribagorsa, pes camins istorics que trauèssen es zònes de major beutat deth Parc. Itinerari circular de 5 estapes que comence e acabe en Vielha.

Mès informacion: www.camins.net

•EL GRAN BUCLE

Un recorrut unic e espectacular que permet enlaçar era rota deth Setau Sageth damb era rota de Encantats, en tot dar opcion a conéisher es dues parts deth Pirenèu en sòn vessant Sud e Nòrd. Ei en sòn conjunt, pes sòns contrastes de païsatges e pera sua grana concentracion de lacs de montanha, ua rota unica en Euròpa e un autentic rèpte entà toti es amants deth senderisme.

Mès informacion: www.camins.net